گول لائن ٹیکنالوجی کی منظوری دے دی گئی

Posted by on Jul 07, 2012 | Comments Off on گول لائن ٹیکنالوجی کی منظوری دے دی گئی

انٹرنیشنل فٹبال ایسوسی ایشن بورڈ نے جمعرات کو فٹبال کے کھیل میں گول لائن ٹیکنالوجی سسٹم کو استعمال کرنے کی منظوری دے دی ہے۔

اجلاس میں ’ہاک آئی‘ اور ’گول ریف‘ سسٹم کے نتائج پر غور کرنے کے بعد ان کے استعمال کی منظوری دی گئی۔

پریمیئر لیگ اور فٹبال ایسوسی ایشن یہ ٹیکنالوجی اپنے مقابلوں میں استعمال کریں گے۔

فٹبال کے کسی بھی قانون میں تبدیلی کے لیے آٹھ میں سے کم از کم چھ ووٹ درکار ہوتے ہیں۔

ہاک ہائی سسٹم میں ہر گول میں چھ کیمرے استعمال کیے جاتے ہیں تاکہ بال پر نظر رکھی جا سکے۔ یہ سسٹم فٹبال کی صحیح جگہ بتاتا ہے اور جب فٹبال گول لائن کراس کر لیتا ہے تو یہ ریڈیو سگنل ریفریز کے ہاتھوں میں بندھی ہوئی گھڑیوں میں پہنچتا ہے جس سے پتہ چلتا ہے کہ گول ہوا ہے کہ نہیں۔

پریمیئر لیگ یہ سسٹم سنہ 13-2012 کے سیزن میں استعمال کرے گا ۔ اس کے علاوہ دسمبر میں ہونے والے فیفا کلب ورلڈ کپ میں بھی استعمال کیا جائے گا اور اگر یہ تجربہ کامیاب رہتا ہے تو پھر کنفڈریشن کپ اور پھر 2014 کے ورلڈ کپ میں استعمال کیا جائے گا۔

انگلش ایف اے، سکاٹ لینڈ، ویلز اور شمالی آئرلینڈ کا انفرادی طور پر ایک ایک ووٹ ہے جبکہ فٹبال کی منتظم تنظیم فیفا کے چار ووٹ تھے۔

اجلاس میں اس بات پر بھی فیصلہ متوقع ہے کہ مسلم خواتین فٹبالروں کو سر ڈھانکنے کے لیے خاص قسم کے سکارف کی اجازت ہونی چاہیے یا نہیں۔

گول ریف سسٹم میں فٹبال کے اندر ایک مائیکروچپ لگا ہوتا ہے اور گول کے گرد ہلکی مقناطیسی شعاعیں ہوتی ہیں۔ گول لائن پر یا اس کے اندر مقناطیسی فیلڈ میں کسی بھی تبدیلی کا سسٹم کو پتہ چل جاتا ہے جس کو یہ بتاتا ہے کہ گول ہوا ہے کہ نہیں۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here