گال ٹیسٹ: پاکستان کو دو سو نو رنز سے شکست

Posted by on Jun 25, 2012 | Comments Off on گال ٹیسٹ: پاکستان کو دو سو نو رنز سے شکست

سری لنکا کے شہر گال میں کھیلے جانے والے پہلے ٹیسٹ میچ کے چوتھے روز میزبان ٹیم نے پاکستان کو دو سو نو رنز سے شکست دے دی ہے۔

پہلی اننگز میں پاکستان پر تین سو بہتّر رنز کی سبقت حاصل کرنے کے بعد دوسری اننگز میں سری لنکا نے جیت کے لیے پانچ سو دس رنز کا ہدف مقرر کیا تھا۔ جواب میں پاکستانی ٹیم تین سو رنز بنا سکی۔

دوسری اننگز میں پاکستانی بیٹنگ کا آغاز ایک بار پھر اچھا نہیں تھا اور اٹھتیس رنز پراس کی چار وکٹیں گر چکی تھیں۔ اس موقع پر یونس خان اور اسد شفیق نے اننگز سنبھالنے کی کوشش کی تاہم دونوں بالترتیب سّتاسی اور اسّی رنز بنا کر آؤٹ ہوگئے۔ عدنان اکمل چالیس رنز بنا کر ناٹ آؤٹ رہے۔

اس سے پہلے تیسرے دن کھانے کے وقفے سے قبل پاکستان کی پوری ٹیم اپنی پہلی اننگز میں سری لنکا کے چار سو بہتر رنز کے جواب میں ایک سو رنز بنا کر آؤٹ ہوگئی تھی۔ یہ ٹیسٹ کرکٹ میں سری لنکا کے خلاف پاکستان کا دوسرا سب سے کم مجموعی سکور ہے اور آٹھ پاکستانی بلے بازوں کا سکور دوہرے ہندسوں میں بھی داخل نہ ہو سکا۔

سری لنکا کی جانب سے سورج راندیو اور کلاسیکرا نے تین تین، رنگنا ہیراتھ نے دو جبکہ فرنینڈو نے ایک کھلاڑی کو آؤٹ کیا۔

اس سے پہلے پاکستان اس دورے پر سری لنکا سے ایک روزہ میچوں کی سیریز تین ایک سے ہار چکا ہے۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here