پروں سے گانے والی چڑیا کا راز

Posted by on Jun 17, 2012 | Comments Off on پروں سے گانے والی چڑیا کا راز

 

سائنسدانوں کے مطابق اپنی پروں کی مدد سے گانے والی چڑیا کے بارے میں ایک تازہ تحقیق سے معلوم ہوا ہے کہ اس کے گانے کا راز اس کی ہڈیوں میں پنہاں ہے۔

یہ جڑے ہوئے پروں والی میناکن کولمبیا اور ایکواڈور کے گھنے بادلوں والے جنگلوں میں رہتی ہے جو اپنے جوڑے کو متوجہ کرنے یا اسے لبھانے کے لیے اپنے پروں کو آپس میں رگڑ کر گیت گاتی ہے۔

امریکہ کی کارن ویل یونیورسٹی کے محققین کی ایک ٹیم نے اس چڑیا کی ہڈیوں کی جانچ کی ہے۔

انہوں تحقیق سے معلوم ہوا کہ اس چڑیا کی ہڈیاں دوسری چڑیوں کے برخلاف زیادہ ٹھوس، گھنی ہیں اور اسی وجہ سے ان سے وائلن کی سی آواز نکلتی ہے۔

کارن ویل یونیورسٹی کے چڑیوں اور مچھلیوں کے میوزیم کے کیوریٹر اور تحقیق کرنے والی ٹیم کی سربراہ کم بوسٹوک اور ان کے رفقاء نے میناکن کے پروں کا سٹی سکین کی مدد سے باریک بینی سے جائزہ لیا۔

ان میں یہ ظاہر ہوا کہ عام طور پر چڑیوں کی ہڈیاں کھوکھلی ہوتی ہیں لیکن جڑے پروں والی میناکن کی ہڈیاں واضح طور پر’وزنی اور سخت‘تھیں۔

ڈاکٹر بوسٹک نے کہا ’چڑیاں عام طور پر زیادہ وزن رکھنا پسند نہیں کرتیں لیکن اگر میناکن کی پر اتنے بڑے ہیں اور ہڈیاں وزنی ہیں تو ان کا آواز نکالنے سے کوئی تعلق ضرور ہوگا۔‘

سائندانوں نے یہ بھی پایا کہ نر میناکن جب اپنی مادہ کو متوجہ کرنے کی کوشش کرتا ہے تو وہ اپنے پروں کو اپنی پشت پر اوپر کی جانب لے جا کر رگڑتا ہے جس سے وائلن کی سی آواز نکلتی ہے۔

میناکنماندہ میناکن نر میناکنوں سے اپنے لیے جوڑا منتخب کرتی ہے

ڈاکٹر بوسٹوک کا ماننا ہے کہ کسی ٹھوس چیز سے کانپتے ہوئے پروں کے رگڑنے سے یہ آواز نکلتی ہے اور ہڈیوں کے ٹھوس پن کی وجہ سے وہ اس میں ضم نہیں ہوتی۔

ڈاکٹر بوسٹوک پہلے محقق ہیں جنہوں نے میناکن کی انوکھی آواز کے طلسم کے پیچھے جھانکنے کی کوشش کی ہے اور اس طرح چڑیوں کے ایک نئے طرح کے گیت کو سامنے لانے میں اہم کردار ادا کیا ہے۔

میناکن طیور کی پینتالیس اقسام ہیں اور یہ بطور خا جنگلوں میں پائی جاتی ہے۔

نر میناکن اپنا زیادہ تر وقت نروں کے جھنڈ میں گذارتے ہیں جہاں وہ اپنا اپنا ہنر دکھاتے ہیں اور وہاں مادہ میناکن آ کر ان میں سے اپنے جوڑے کا انتخاب کرتی ہیں۔

میناکن کی ہر ایک قسم کا اپنے جوڑے کو لبھانے کا اور ان سے رشتہ قائم کرنے کا الگ ہی انداز ہوتا ہے۔

نرمیناکن اپنے چمکیلے پروں کا مظاہرہ کرنے کے لیے مشہور ہیں۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here