پاکستان ریلوے بیاسی ارب روپے کا مقروض

Posted by on Jul 10, 2012 | Comments Off on پاکستان ریلوے بیاسی ارب روپے کا مقروض

پاکستان کے وفاقی وزیر برائے ریلوے غلام احمد بلور نے اعتراف کیا ہے کہ ان کا محکمۂ اس وقت بیاسی ارب تئیس کروڑ روپے کا مقروض ہے۔

انہوں نے بتایا کہ ریلوے کے کل چار سو چورانوے انجنوں میں سے تین سو چھتیس انجن اس وقت خراب حالت میں کھڑے ہیں۔

قومی اسمبلی میں ریلوے کی ابتر صورتحال کے حوالے سے اٹھائے گئے سوالات کے جواب میں وزیر ریلوے غلام احمد بلور نے کہا کہ :’محکمۂ اس وقت بیاسی ارب تئیس کروڑ روپے کا مقروض ہے اور ان میں بیالیس ارب روپے بیرونی جبکہ چالیس ارب روپے کے اندرونی قرضے ہیں۔‘

وزیر ریلوے کے مطابق سال دو ہزار آٹھ سے سال دو ہزار بارہ تک ریلوے کی بحالی پر تقریباً تیرہ ارب انتیس کروڑ تیس لاکھ روپے خرچ کیے گئے۔

غلام احمد بلور نے بتایا کہ پاکستان میں فورنسک جانچ پڑتال کی سہولت دستیاب نہیں ہے اور اس وجہ سے گزشتہ چار سال سے ریلوے کی فورنسک یا تکنیکی جانچ نہیں ہو سکی ہے۔

قومی اسمبلی میں ریلوے کی صورتحال کے بارے میں کیے جانے والے سوالات کے تحریری جوابات دیتے ہوئے ریلوے کے وفاقی وزیر نے کہا ہے کہ کل چار سو چورانوے انجنوں میں سے تین سو بیس ڈیزل اور سولہ بجلی سے چلنے والے انجن اس وقت خراب حالت میں کھڑے ہیں۔

انہوں نے کہا کہ سپریم کورٹ کے احکامات کی روشنی میں مختلف کمپنیوں سے اوپن میرٹ کے تحت ریلوے کے تکنیکی اور مالی جانچ کرانے کی تجاویز مانگی گئی اور ان میں سے کامیاب کمپنی کو فورنسک کا ٹھیکہ دیا گیا ہے۔

غلام احمد بلور کے مطابق ریلوے کی بہتری کے لیے منصوبہ بندی کمیشن نے ایک حکمت عملی مرتب کی ہے اور حکومت کی منظوری کی بعد اس پر عمل درآمد شروع کیا جائے گا۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here