پاکستانی کرکٹ بورڈ کی خواہش؟

Posted by on Jun 28, 2012 | Comments Off on پاکستانی کرکٹ بورڈ کی خواہش؟

آسٹریلیا کے خلاف متحدہ عرب امارات میں چھ ٹی ٹوئنٹی میچز کی اجازت ملنے کے باوجود پاکستان کرکٹ بورڈ کی خواہش ہے کہ یہ سیریز تین ون ڈے اور تین ٹی ٹوئنٹی میچز پر مشتمل ہو۔

پاکستان کرکٹ بورڈ نے چھ ٹی ٹوئنٹی میچز کی تجویز خود ہی دی تھی جس پر آئی سی سی کے کوالالمپور میں ہونے والے سالانہ اجلاس کے دوران دونوں ممالک کے کرکٹ بورڈز نے تین ون ڈے اور تین ٹی ٹوئنٹی میچز کروانے کی اصولی طور پر منظوری دی۔

دوسری جانب آسٹریلین کرکٹ بورڈ اپنے کرکٹرز سے مشورے کے بعد اس بات کا حتمی فیصلہ کرے گا۔

پاکستان کرکٹ بورڈ کی ویب سائٹ کے مطابق ذکاء اشرف نے کہا ’ہم نے کرکٹ آسٹریلیا کے ساتھ متحدہ عرب امارات میں شام کے اوقات میں تین ون ڈے اور تین ٹی ٹوئنٹی میچز کروانے کا اصولی فیصلہ کیا ہے۔ کرکٹ آسٹریلیا یو اے ای کے موسم کا جائزہ لے رہی ہے اور اس ہفتے کے آخر تک حتمی فیصلہ کر لیا جائے گا۔‘

واضح رہے کہ آسٹریلوی کرکٹ ٹیم کے چند اراکین نے اگست میں متحدہ عرب امارات میں سخت گرمی پر اپنے تحفظات کا اظہار کیا تھا۔

نامہ نگار مناء رانا کے مطابق پاکستان کرکٹ بورڈ کے چیئرمین ذکا اشرف کا کہنا ہے کہ متحدہ امارات میں گرمی سے بچنے کے لیے تمام میچز شام کو شروع کیے جائیں گے۔

دوسری جانب کرکٹ آسٹریلیا نے کوالالمپور میں پاکستان کرکٹ بورڈ کے حکام کے ساتھ بات چیت کی تصدیق کی ہے تاہم کرکٹ آسٹریلیا کے ترجمان کے مطابق سیریز کے میچز، ان کے اوقات اور دیگر معاملات کا طے ہونا ابھی باقی ہے۔

ترجمان کے مطابق پاکستان کرکٹ بورڈ کی جانب سے حتمی تفصیلات اگلے چند گھنٹوں میں متوقع ہیں اور حتمی فیصلہ چند روز میں ہو جائے گا۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here