ومبلڈن کوارٹر فائنل: مرے کا مقابلہ فیرر سے

Posted by on Jul 04, 2012 | Comments Off on ومبلڈن کوارٹر فائنل: مرے کا مقابلہ فیرر سے

برطانوی کھلاڑی اینڈی مرے نے آج عالمی نمبر پانچ کھلاڑی ڈیوڈ فیرر کے ساتھ ہونے والے کوارٹر فائنل سے قبل کہا ہے کہ ومبلڈن فائنل ابھی بہت دور ہے۔

رافیل ندال کی شکست کے بعد عالمی نمبر چار کھلاڑی اینڈی مرے کا ومبلڈن جیتنے کی امید بڑھ گئی ہے۔ اگر وہ ومبلڈن جیت جاتے ہیں تو وہ اپنا پہلا گرینڈ سلیم حاصل کریں گے۔

اینڈی مرے نے کہا ’ومبلڈن فائنل میں ابھی دیر ہے اور وہ اس کے بارے میں نہیں سوچ رہے۔ فیرر بہت عمدہ کھیل پیش کر رہے ہیں اور مجھے بہت اچھا کھیلنا ہو گا۔‘

اینڈی مرے نے کہا ’میرے لیے فیرر کلے کورٹ پر کھیلنے کا ماہر نہیں ہے۔ وہ گھاس کے کورٹ پر لگاتار نو میچ جیت چکا ہے۔ وہ آسٹریلین اوپن، یو ایس اوپن اور فرنچ اوپن کے سیمی فائنل میں پہنچے اور اب وہ گھاس پر بہتر کھیلنے لگ گئے ہیں۔‘

اینڈی مرے نے سپین کے فیرر کے خلاف دس میچوں میں پانچ جیتے ہیں لیکن آخری دو میچوں میں مرے کو فیرر کے ہاتھوں شکست کا سامنا کرنا پڑا بشمول فرنچ اوپن کے کوارٹر فائنل کے۔

فیرر نے اینڈی کو کلے کورٹ پر شکست دی ہوئی ہے اور یہ دونوں کھلاڑیوں کا گھاس کے کورٹ پر پہلا مقابلہ ہو گا۔

مرے سے جب پوچھا گیا کہ کیا فرنچ اوپن میں فیرر کے ہاتھوں شکست کا آج کے میچ پر اثر ہو گا تو انہوں نے کہا ’ہم دیکھیں گے کہ اثر ہوتا ہے یا نہیں۔‘

’ٹینس میں کارکردگی ہر ہفتے تبدیل ہوتی ہے۔ ایک ہفتے اچھا کھیلنے والے اگلے ہفتے اچھا نہیں کھیلتے۔ پھچلے سال نووک نے ندال کو کبھی شکست نہیں دی تھی لیکن پھر وہ ندال کو ہرانے لگ گیا۔‘

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here