نیٹو سپلائی کی بحالی، اڈوں پر خوف کی فضا

Posted by on Jul 05, 2012 | Comments Off on نیٹو سپلائی کی بحالی، اڈوں پر خوف کی فضا

افغانستان میں موجود نیٹو افواج کو پاکستان کے زمینی راستے سے رسد کی ترسیل کی بحالی کے اعلان کے بعد پشاور میں اب تک نیٹو ٹینکرز اور کنٹینرز کے اڈوں پر کوئی قابل ذکر سرگرمی دیکھنے کو نہیں ملی بلکہ ان اڈوں پر سکیورٹی خدشات کی وجہ سے ایک خوف کی فضا پائی جاتی ہے۔

رنگ روڈ پر ایک ٹرمینل میں موجود نجی سکیورٹی ایجنسی کے اہلکار نے نام ظاہر نہ کرنے کی شرط پر بتایا کہ ابھی تو اعلان ہوا ہے اور اس کے لیے یہاں ٹرمینل میں تو سب تیاریاں مکمل ہیں لیکن گاڑیوں کے پہنچنے میں وقت زیادہ لگے گا۔

پاکستان حکومت کی جانب سے نیٹو رسد کی بحالی کے اعلان کے بعد جب رنگ روڈ پر ان ٹرمینلز کا دورہ کیا تو ان ٹرمینلز میں موجود بیشتر افراد نے صاف کہہ دیا کہ یہاں نیٹو کے سامان سے بھری گاڑیاں نہیں آتیں۔

صوبہ خیبر پختونخوا کے دارالحکومت پشاور کی رنگ روڈ پر بڑے کنٹینرز، ٹرک، ٹینکرز اور دیگر سامان کی ترسیل کے لیے استعمال ہونی والی گاڑیوں کے درجنوں اڈے یا ٹرمینلز موجود ہیں۔ ان میں کم سے کم پانچ ٹرمینلز نیٹو افواج کو سامان فراہم کرنے والی گاڑیوں کے لیے مختص ہیں۔

اس ٹرمینل کے گیٹ بند تھے اور چاروں طرف لوہے کی سلاخوں کی اونچی دیوار بنائی گئی تھی جس سے اندر خالی کنٹینرز تو نظر آ رہے تھے لیکن وہاں گاڑیاں نہیں تھیں۔

پاکستان میں نیٹو رسد پر متعدد بار حملے ہو چکے ہیں اور رسد کی بحالی کے بعد ایک بار پھر رسد کی حفاظت کے بارے میں خدشات پائے جاتے ہیں

پاکستان ٹینکرز ایسوسی ایشن کے ترجمان اسرار خان شنواری نے ٹیلیفون پر بی بی سی کو بتایا کہ کراچی سے پشاور پہنچنے کے لیے ٹینکرز اور کنٹینرز کو دس سے بارہ روز لگ سکتے ہیں اس لیے اب تک پشاور میں کوئی سرگرمی نہیں ہے۔

اس ٹرمینل سے کچھ فاصلے پر ایک اور ٹرمینل میں موجود افراد نے صاف کہہ دیا کہ یہاں تو نیٹو افواج کو سامان پہنچانے والی گاڑیاں آتی ہی نہیں ہیں۔

ان کا کہنا تھا کہ اس مرتبہ سکیورٹی کے زیادہ خدشات پائے جاتے ہیں اور اب حکومت کی ذمہ داری ہے کہ وہ ان ٹینکرز اور کنٹینرز کو سکیورٹی فراہم کرے۔

ان میں رنگ روڈ کے بیشتر حصے کی مرمت ہو چکی ہے۔ اس کے علاوہ کارخانوں مارکیٹ کے سامنے سڑک کی مرمت مکمل کر لی گئی ہے۔

پشاور میں ان بڑی گاڑیوں کے گزرنے سے سڑکوں کی حالت انتہائی خراب ہو گئی تھی اور سپلائی کی معطلی کے دنوں میں بیشتر مقامات پر حکومت نے سڑکوں کی مرمت کر لی ہے۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here