معلومات چوری کرنے پرگرفتاریاں

Posted by on Jun 27, 2012 | Comments Off on معلومات چوری کرنے پرگرفتاریاں

امریکی تحقیقاتی ادارے ایف بی آئی کی سربراہی میں ہونے والی ایک کارروائی میں کریڈٹ کارڈز کی غیر قانونی طور پر معلومات فروخت کرنے کے الزام میں تیرہ ممالک سے کم از کم چوبیس افراد کو گرفتار کیا گیا ہے۔

اس کے لیے ایف بی آئی نے جون سال دو ہزار دس میں کریڈٹ کارڈ کی خرید و فروخت کے لیے ایک جعلی آئن لائن ویب سائٹ بنائی تھی۔

اس ویب سائٹ پر چوری شدہ کریڈٹ کارڈ اور کریڈٹ کارڈز کے نمبرز کی خرید و فروخت کی جا سکتی تھی۔

ایف بی آئی کی جانب سے چار براعظموں میں تقریباً دو سال تک کی جانے والی خفیہ نگرانی کے نتیجے میں یہ کارروائی عمل میں آئی۔

گرفتار کیے جانے والے افراد میں سے بارہ کا تعلق امریکہ جب کہ چھ کا تعلق برطانیہ سے ہے۔

ان افراد کی عمر اٹھارہ سے پچیس سال کے درمیان ہے اور فراڈ کے الزامات کے تحت انہیں چالیس سال تک قید کی سزا ہو سکتی ہے۔

ان میں سے ایک شخص میر اسلام ہیں جن کا آن لائن نام( JoshTheGod) تھا۔

میر اسلام پر چوری کیے جانے والے پچاس ہزار کریڈٹ کارڈز کی معلومات آگے فروخت کرنے کا الزام ہے۔

حکام نے کریڈٹ کارڈ فراہم کرنے والے اداروں کو بتایا ہے کہ مجموعی طور پر چار لاکھ کارڈ متاثر ہوئے ہیں۔

امریکی حکام کا کہنا ہے کہ کارروائی کے نتیجے میں بیس کروڑ پانچ لاکھ ڈالر کا نقصان ہونے سے بچ گیا ہے۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here