’اولمپکس سکیورٹی کے معاہدے پر پچھتاوا‘

Posted by on Jul 17, 2012 | Comments Off on ’اولمپکس سکیورٹی کے معاہدے پر پچھتاوا‘

لندن اولمپکس کے لیے سکیورٹی فراہم کرنے والی کمپنی جی فور ایس کے سربراہ کا کہنا ہے کہ انہیں ان کھیلوں کی سکیورٹی کا معاہدہ کرنے پر پچھتاوا ہے۔

کمپنی کی جانب سے دس ہزار سکیورٹی اہلکاروں کی مطلوبہ تعداد مہیا نہیں کی جا سکی اور اس کمی کو پورا کرنے کے لیے اب ساڑھے تین ہزار فوجی تعینات کیے جا رہے ہیں اور یہ اطلاعات موصول ہو رہی ہیں کہ پولیس بھی اس کمی کو پورا کرنے میں مدد کر رہی ہے۔

انہوں نے یہ بات برطانوی اراکین پارلیمان کے سامنے اس بات کی وضاحت پیش کرتے ہوئے کہی کہ ان کی کمپنی محافظ عملے کی مطلوبہ تعداد مہیا کرنے میں کیوں ناکام رہی۔

جی فور ایس کو ان کھیلوں کی سکیورٹی کے لیے دو سو چوراسی ملین پونڈ کا کانٹریکٹ دیا گیا تھا اور اب محافظین کی مطلوبہ تعداد مہیا نہ کرنے کی وجہ سے انہیں پچاس ملین پونڈ کا نقصان ہو سکتا ہے۔

جی فور ایس کے چیف ایگزیکٹو نِک بکلز کا کہنا ہے کہ جتنے پولیس اور فوجی اہلکار ان کھیلوں کی سکیورٹی میں مدد دیں گے ان پر آنے والے اخراجات کی رقم حکومت کو واپس کر دی جائے گی۔

تاہم انہوں نے کہا کہ ان کی کمپنی مینجمنٹ فیس کی مد میں دیے گئے ستاون ملین پونڈ واپس کرنے کا ارادہ نہیں رکھتی۔

برطانوی ارکانِ پارلیمان کی کمیٹی کے سربراہ کیتھ ویز نے ان کے اس اعلان کو حیران کن قرار دیا ہے۔

گزشتہ دنوں اولمپکس کھیلوں سے پہلے اولمپکس کمیٹی کے سربراہ کا کہنا تھا کہ اولمپک کھیلوں کی سکیورٹی پر کوئی سمجھوتہ نہیں کیا گیا ہے۔

سکیورٹی عملے کی کمی پوری کرنے کے لیے اب فوج کی مدد حاصل کی گئی ہے

ان کا کہنا تھا کہ اولمپکس کھیلوں کے لیے کہ سیکورٹی فراہم کرانے والی کمپنی G4S کی جانب سے ضرورت کے مطابق سکیورٹی سٹاف تعینات نہ کرنے کا مطلب یہ نہیں کہ کھیلوں کی سکیورٹی پر سمجھوتہ ہوا ہے۔

لیبر پارٹی کے ڈپٹی لیڈر ہرئیٹ ہرمن نے سکائی نیوز کو بتایا تھا کہ حکومت سکیورٹی کمپنی جی فور ایس کی نگرانی کرنے میں ناکام رہی ہے۔

نِک بکلز نے یہ بھی کہا کہ انہیں کمپنی کی جانب سے کنٹریکٹ کی شرائط پوری نہ کرنے پر شدید مایوسی ہوئی ہے۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here