الزامات سے آگاہ کیا جائے

Posted by on Jun 09, 2012 | Comments Off on الزامات سے آگاہ کیا جائے

رفیع پیر تھیٹر ورکشاپ کے سربراہ نے کہا ہے کہ سِم سِم ہمارا نامی منصوبے میں مبینہ بدعنوانی کی اطلاعات پر اس کی منسوخی سے اُن کے ادارے کی ساکھ متاثر ہو رہی ہے

پاکستان کی رفیع پیر تھیٹر ورکشاپ کے سربراہ نے کہا ہے کہ امریکی اعانت سے جاری منصوبے میں مبینہ بدعنوانی کی اطلاعات پر اس کی منسوخی سے اُن کے ادارے کی ساکھ متاثر ہو رہی ہے اس لیے حقائق جلد از جلد منظرِ عام پر لانا ناگزیر ہے۔

فیضان پیرزادہ نے کہا کہ بنیادی منصوبے کے تحت اُن کے ادارے نے 2014ء کے بعد سے ’سِم سِم ہمارا‘ کو اپنے وسائل سے چلانا تھا۔

’’یہ (امریکی حکام) اس منصوبے کو اس طرح اختتام کی طرف لائیں کہ رفیع پیر تھیٹر ورکشاپ اس دلکش منصوبے کو آگے لے کر جا سکے۔‘‘

امریکی حکومت کی مالی معاونت سے شروع کیے گئے اس منصوبے کا مقصد پاکستانی بچوں کو تعمیری تفریح اور ان کی صلاحیتوں کو اجاگر کرنے کے مواقع فراہم کرنا ہے۔

عالمی سطح پر بچوں میں مقبول ٹی وی سیریز ’سیسمی اسٹریٹ‘ کی طرز پر اردو اور دیگر مقامی زبانوں میں ’سِم سِم ہمارا‘ نامی سیریز کے منصوبے کو روکنے کا اعلان رواں ہفتے کیا گیا۔

رفیع پیر تھیٹر ورکشاپ کے سربراہ فیضان پیرزادہ نے جمعہ کو اسلام آباد میں نیوز کانفرنس سے خطاب میں ایک مرتبہ پھر مالی بے ضابطگیوں کے الزامات کو ’’غلط اور بے بنیاد‘‘ قرار دے کر ان کی تردید کی۔

Advertisement

Subscription

You can subscribe by e-mail to receive news updates and breaking stories.

————————Important———————–

Enter Analytics/Stat Tracking Code Here